jan Gaius van Baelsar li lon ilo anpa li toki mute tawa sina

(󱥄󱤮󱤉󱥁󱤬󱥠󱥔)

o toki e ni: sina utala tan seme?

n! sina toki e ala. sina pilin ala pilin e ma Ejosija? wan pi ma Ejosija li tan powe. ma tomo ona li tan powe. nasin sewi ona li ilo powe. ale ona li powe. ma Ejosija li ijo ala.

kulupu pi jan soweli li kama e jan sewi tawa utala. taso jan lawa pi ma Ejosija li pali ala e ni. ni li nasa ala nasa?

jan sewi pi tu luka tu li awen ala awen e sina ale? ona li awen pona la, o pana e ona sama utala pi ma Kateno. ona li kama – sina pana e kiwen wawa e kon wawa tawa ona la, ona li kama. jan sewi sina li ante ala tawa jan sewi pi jan soweli. jan sewi ale li kama tan pilin jan li weka e wawa ma li moli e ma.

jan lawa sina li sona kin e ni. ni la, jan sewi powe li pona tawa ona tan seme? jan sona kin — jan sona Luwisowa kin — li anpa e ona sama tawa jan sewi ni tan seme? ona li tan ni: jan lawa sina li jo ala e wawa pi nasin ante a! jan li lawa ala e ma la, ma jan li suli ala. tan ni, tan tenpo pini mute, jan li utala li kama wawa mute. utala li pini la, jan wawa li lawa e jan pi wawa ala.

jan lawa pi wawa ala li ken lawa kepeken nasin sewi powe taso. nasin ni li nasin moli. jan wawa taso li ken lawa pona e kulupu jan. nasin ni li pona e ma powe ni.

jan wawa pi ma Ejosija o kama a! mi anpa e sina la jan ale li sona e ni: mi wawa li ken lawa e ma sina a! lawa mi li pona tan ni: sina ken ala pini e mi a!